Раман маладога шведскага пісьменніка Йеркера Вірдборга (нар. 1971) выйшаў у 2002 годзе і адразу стаў бестселерам. Прычына гэтага — і напружаны, захапляльны сюжэт, і пацыфісцкая накіраванасць кнігі.

Час дзеяння — умоўная будучыня, месца дзеяння — умоўная скандынаўская краіна. Вайна. Чацвёра салдат атрымліваюць заданне за адну ноч дабрацца на каньках па замёрзлым моры да базы, адарванай ад асноўнай тэрыторыі.

Аднак умоўнасць знешняга дзеяння кампенсуецца канкрэтнасцю ўнутраных перажыванняў герояў, што ператварае захапляльны трылер у тонкі псіхалагічны раман.