Незалежны японскі філосаф і культурны крытык Адзума Хірокі (нар. 1971) бачыць у постаці турыста метафару Іншага, сімвал незавершанасці, выпадковасці і адкрытасці — таго спосабу быцця, які можа стаць адказам на выклікі свету, дзе глабалізацыя і нацыяналізм не столькі супрацьстаяць адзін аднаму, колькі дзіўным чынам суіснуюць; свету крызісу публічнага і прыватнага, свайго і чужога… Узгоднячыся з самім прадметам даследавання, аўтар адмаўляецца ад спроб выбудаваць гамагенную тэорыю, але злучае філасофскі аналіз, эсэістыку, матэматыку, паездкі ў Чарнобыль і назіранні за паўсядзённым жыццём. Праз развагі аб турызме, сям'і, феномене «жудаснага», другаснай творчасці, інтэрфейсах і Дастаеўскім Адзума выбудоўвае спекулятыўную карту сучаснасці, дзе выпадковасць становіцца не пагрозай, а ўмовай нараджэння новага. "Філасофія турыста" - не кніга "пра турыста", але кніга, якая прапануе думаць "як турыст": нязмушана і свабодна дзеля новага разумення салідарнасці.