Упершыню ў сусветнай і айчыннай гістарыяграфіі ГУЛАГ даследуецца як сацыяльна-эканамічны і палітыка-прававы феномен савецкай дзяржавы. У манаграфіі прааналізаваны тэарэтычныя і прававыя асновы савецкай рэпрэсіўнай палітыкі, даследаваны прычыны і нарматыўная база стварэння і дзейнасці ГУЛАГа як карнай сістэмы новага тыпу. На аснове архіўных матэрыялаў, якія раней не публікаваліся і ўключалі, у прыватнасці, бухгалтарска-фінансавую дакументацыю МУС СССР, вывучаны працэс станаўлення і функцыянавання савецкага лагерна-прамысловага комплексу. Упершыню ў гістарычнай навуцы прадметам даследавання сталі спецыяльныя лагерныя суды. Выданне прызначана для гісторыкаў, юрыстаў, эканамістаў, палітолагаў і шырэйшага кола чытачоў.