Лексіка, якая звычайна выкарыстоўваецца для апісання сучаснага мастацтва - ад імпрэсіянізму да інсталяцыі, ад набі да неаэкспрэсіянізму, ад сімвалізму да гіперрэалізму - паступова ператварылася ў асаблівую мову, выдасканаленую і часам адпужваючую сваёй складанасцю. Стылі, школы і кірункі толькі ў рэдкіх выпадках маюць выразныя межы і паддаюцца простым азначэнням; часцей яны ўнутрана супярэчлівыя, складаныя і нярэдка перасякаюцца ў мастацкай прасторы. Тым не менш, паняцці "стыль", "школа" і "кірунак" працягваюць існаваць, і асэнсаванне іх зусім неабходна пры любым абмеркаванні сучаснага мастацтва. Вызначэнне іх меж і характарыстыка - па-ранейшаму найлепшы спосаб "картаграфавання" гэтак складанага па складзе, а часам і цяжкага для разумення прадмета. Гэтая кніга задумвалася як сістэматызуючы агляд, які складаецца з асобных нарысаў, і як агульны даведнік па адным з самых дынамічных і займальных перыядаў у гісторыі мастацтва.