Другое дапоўненае выданьне папулярнага „Гіда па фэмінізацыі беларускае мовы” прапануе фэмінітывы (Nomina agentis і некаторых іншых асабовых намінацыяў), якія знайшлі ўжытак у гістарычных і сучасных тэкстах клясычным правапісам. Гід таксама тлумачыць уласьцівыя беларускай мове прынцыпы стварэньня фэмінітываў. Уладзіслаў Гарбацкі — палітоляг–гендарыст, сацыялінгвіст, перакладнік з францускай, летувіскай і ўкраінскай моваў, выкладнік палітычнай навукі ЭГУ (Вільня). Аўтар манаграфіі „Фэмінізацыя беларускай мовы: сацыялінгвістычнае дасьледаваньне“ (Вільня, 2019; Лёндан, 2024).