Кніга пісьменніка-эмігранта Антанаса Шкемы належыць да найзначнейшых твораў сучаснай літоўскай класікі. Аўтар адкрыў літоўскай літаратуры браму ў свет, вызваліўшы яе з палону рэалізму. Падзеі ў кнізе адбываюцца на некалькіх узроўнях — апавядальнік працуе ліфцёрам у нью-ёрскім гатэлі і перажывае пачуццёвую драму, паралельна з біяграфічных нататак аднаўляецца ягонае жыццё на фоне гісторыі Літвы першай паловы ХХ стагоддзя, а таксама раскрываецца ягоны ўнутраны сюррэалістычны сусвет, сатканы з філасофскіх развагаў і літоўскага фальклору.