У кнізе «Навошта быць шчаслівай, калі можна быць нармальнай?», упершыню апублікаванай у 2011 годзе, Джанет Уінтэрсан вяртаецца да гісторыі свайго дзяцінства ў прыёмнай сям'і, якая стала асновай паўаўтабіяграфічнага рамана «Не толькі апельсіны» (1985). На гэты раз яна змяшчае яе ў мемуарную рамку. Юнацкія гады ў прамысловым гарадку на поўначы Англіі, цяжкасці сталення насуперак чаканням прыёмных бацькоў, гарачых хрысціян-пяцідзесятнікаў — развязку гэтай гісторыі дыктуе само жыццё.

Надзею на вызваленне ад непрыкаянага мінулага дае захапленне брытанскай літаратурай і любоў да слова, якія Джанет Уінтэрсан не толькі пранясе праз дзесяцігоддзі, але і зробіць сваім рамяством. Адпраўляючыся на пошукі біялагічнай маці дваццаць пяць гадоў пазней, яна засвойвае мінулы вопыт, вучыцца любіць і прыміряецца з сабой.

Джанет Уінтэрсан (нар. 1959) — брытанская пісьменніца, вядомая яркай і бескампраміснай мовай, а таксама незвычайнымі, часта гумарыстычнымі раманамі. Яна з'яўляецца аўтаркай раманаў «Не толькі апельсіны», «Цалую, твой Франкенштэйн. Гісторыя адной любові», «Разрыў у часе» і іншых. У 2006 годзе яна была ўзнагароджана званнем афіцэра ордэна Брытанскай імперыі.