«Калі, як часта гаворыцца, мой сын, мая дачка, моладзь не любіць чытаць — не трэба вінаваціць у гэтым ні тэлевізар, ні сучаснасць, ні школу». «Каго ж? — спытаеце вы. — І галоўнае, што ж у гэтым выпадку рабіць?»

У сваёй кнізе «Як раман» Даніэль Пенак шчодра дзеліцца метадамі, такімі ж простымі, як і выніковымі. Педагог Пенак бліскуча ўвасобіў гэтыя метады ў школе і навучыў любові да чытання сваіх вучняў. Як пісьменнік, ён прымусіў чытаць і любіць свае кнігі ва ўсім свеце.

5 прычын набыць кнігу «Як раман»:

- Вясёсае і карыснае эсэ для бацькоў і настаўнікаў. Ніякіх «як прымусіць дзіця чытаць», і нават «палюбіць».

- Адкрытая, душэўная, дасціпная размова аб прычынах нелюбові да чытання і магчымых шляхах яе пераадолення.

- Кніга Даніэля Пеннака не толькі пра любоў да кнігі, але і пра душэўную блізкасць, кантакт паміж дзіцём і дарослым.

- Педагагічнае эсэ чытаецца як раман і можа стаць кіраўніцтвам да таго, як зрабіць сваё дзіця шчаслівым. Бо кніга пра шчасце, шчасце чытаць.

- Даніэль Пенак – адзін з найбольш часта перакладзеных на замежныя мовы аўтараў Францыі, лаўрэат прэміі Рэнода. У 2023 годзе ён атрымаў Вялікую літаратурную прэмію Французскай акадэміі. Гэта адна з найстарэйшых і значных узнагарод, якая ўручаецца пісьменніку ў Францыі за ўвесь яго літаратурны ўнёсак.