„На пухнатых лапках“ — першая анталогія нерыфмаванай паэзіі для дзяцей і дарослых, якая выходзіць па-беларуску. Тут сабраны вершы аўтарак і аўтараў з розных краін і розных часоў. Некаторыя творы былі адмыслова напісаны для дзяцей, іншыя, магчыма, не задумваліся такімі, але іхняя тэматыка робіць іх зразумелымі для малых чытачоў, пашыраючы кругагляд дзяцей у свеце паэтычнага слова. Адрасуецца ўсім аматарам і аматаркам паэзіі.

Вольга Гапеева — паэтка, мыслярка, перакладчыца. Лаўрэатка міжнародных літаратурных прэмій. Яе творы перакладзеныя больш чым на 15 моваў свету. З 2019 года жыве ў Аўстрыі і Нямеччыне, піша па-беларуску і па-нямецку.