Кніга Сьюзен Вудфард уяўляе сабой кароткае ўвядзенне ў святая святых антычнага мастацтва, у свет інтэрпрэтацый і пошукаў дасканалай формы. Старажытныя майстры жылі ў эпоху міфаў і самі былі іх творцамі, эксперыментуючы з рознымі тэхнікамі і матэрыяламі, спрачаючыся з ідэямі і сюжэтамі аўтарытэтных міфалагічных цыклаў (пра Траянскую вайну, Геракля, арганаўтаў, герояў Фіваў і інш.). З вялікай увагай да дэталяў і кантэксту аўтар паказвае, чаму творы мастацтва станавіліся не толькі прадметамі гандлю і раскошы, але і спосабам тлумачэння гістарычных падзей, палітычнымі дэкларацыямі, а таксама выдасканаленымі рэбусамі і загадкамі. Падбіраючы ключы да вобразаў старажытных мастакоў, чытачы даведаюцца, як пераасэнсоўваўся свет хаосу, войнаў і гвалту, як ачалавечваліся вобразы монстраў і забойцаў, як узніклі кранальныя сямейныя партрэты свавольных пачвар-кентаўраў і г. д. Скрупулёзны аналіз канкрэтных вобразаў таямніцу, а, наадварот, нагадае аб неабходнасці думаць і пераадольваць механічнае, шаблоннае ўспрыманне занадта вядомых сюжэтаў.