Раман “Падзея” (L’Événement) быў напісаны ў 1999 г. Ён апавядае пра аборт, калі аборты яшчэ былі забароненыя ў краіне пісьменьніцы – Францыі. Акрамя складанай псыхалягічнай асабістай сітуацыі, у творы паўстае сацыяльна-палітычная карціна тагачаснай Францыі, якая не вырашала праблемы, а проста яе замарожвала. У самой назьве раману выяўляецца сацыяльнае пасланьне: аборт аўтаркі – гэта ня проста нейкі асабісты ўчынак ці пакута адной жанчыны, а значнае здарэньне, якое ўрэшце выбухне моцным супрацівам і выльецца ў сапраўдную палітычную падзею.