Публікуемая кніга ўяўляе сабой пераклад англамоўнай версіі «Эстэтыкі* (2007) Васіля Эмільевіча Сеземана (1884-1963), якая першапачаткова была напісана аўтарам на літоўскай мове. Рукапіс «Эстэтыкі- рыхтаваўся да выдання ў 1949 г., але драматычныя акалічнасці жыцця Васіля Сеземана перашкодзілі выданню кнігі айчыннага мысляра. Рукапіс «Эстэтыкі» доўгі час лічыўся згубленым. У прадмове апісваецца амаль дэтэктыўная гісторыя яе другога нараджэння. Сапраўды - рукапісы нс гараць. На літоўскай мове “Эстэтыка” была выдадзена пасмяротна ў 1970 г. у Вільні ў выдавецтве Mintis з прадмовай акадэміка В. Жырмунскага – сябра юнацтва Васіля Сеземана.
Калі казаць пра апублікаваныя працы В.Э. Сеземана, то кніга «Эстэтыка», мабыць, займае адно з цэнтральных месцаў і з'яўляецца найболей аб'ёмнай працай мысляра. Айчынны філосаф звяртаўся да даследавання пытанняў эстэтыкі на ўсіх этапах сваёй творчасці. Роля эстэтыкі ў філасофіі Васіля Сеземана цікавая яшчэ і тым, што яна з'яўляецца своеасаблівым мастом паміж чыстай (тэарэтычнай) філасофіяй і сферай культуры, куды арганічна ўваходзяць як культура ў цэлым у яе гістарычнай і нацыянальнай разнастайнасці, так і пытанні мастацтва, навукі, выхавання.
Кніга адрасавана веем цікавіцца гісторыяй рускай філасофіі і культуры і тэорыяй эстэтыкі.