Адлегласць, якую пчолы пралятаюць дзеля аднаго кілаграма мёду, у тры з паловай разы большая за даўжыню зямной акружнасці. Не варта здзіўляцца, што іх працаздольнасць стала прымаўкай. Аднак пчала — не толькі пастаўшчык мёду, але і старажытная як свет пасланніца культуры.

Яна пакінула свой след у рэлігійных абрадах, Бібліі, Каране, казках і многіх мастацкіх творах. Культуралагічнае даследаванне швейцарскага філолага, паэта і эсэіста Ральфа Дутлі — сапраўдны панегірык мядоносным птушкам, як называлі пчол барочныя паэты.

Завяршае кнігу невялікая анталогія вершаў, прысвечаных пчолам.