Фрыдрых Мэйнэке (1862–1954) — адзін з найбуйнейшых нямецкіх гісторыкаў свайго часу. У кнізе змяшчаецца глыбокі аналіз прычын нацыянальнай трагедыі, перажытай немцамі ў XX ст. У адрозненне ад Карла Ясперса, які даследаваў тэму віны і адказнасці, Мейнэке задаецца іншымі пытаннямі. Ці быў прыход Гітлера да ўлады выпадковы ці непазбежны? Ці ёсць у Трэцяга рэйха глыбокія карані ў нямецкім мінулым? Ці загінуў нацызм канчаткова ці існуе рызыка яго вяртання на гістарычную сцэну? І, нарэшце, ці ёсць у немцаў сярод разрухі і знявагі надзея на лепшае жыццё? Гэтыя пытанні займалі шматлікіх адукаваных немцаў у першыя пасляваенныя месяцы і гады. Менавіта таму кніга Мейнеке, якая з'явілася на свет у 1946 годзе, стала бэстсэлерам, вытрымаўшы некалькі выданняў запар.