Кніга прысвечана поп-арту як частцы спажывецкай культуры, якая склалася ў заходнім постіндустрыяльным грамадстве другой паловы ХХ стагоддзя. Аўтар звяртаецца да творчасці заснавальнікаў і вядучых майстроў гэтага мастацтва, у першую чаргу амерыканскіх — Э.Уорхала, Дж.Дайна, Р.Ліхтэнштэйна, Дж.Розэнквіста, Т.Весельмана, К.Алдэнбурга, Дж.Сігала. Традыцыйны мастацтвазнаўчы падыход да поп-арта спалучаецца ў кнізе са спецыяльнымі навуковымі тлумачэннямі яго з'яў — семіятычнай, антрапалагічнай, постфрэйдысцкай і некаторымі іншымі.