Кніга прасочвае гісторыю польскіх прадстаўленняў, пачынаючы з мяжы X і XI стагоддзяў і да сучаснасці. Аўтар, у адпаведнасці з найноўшымі напрамкамі сусветнага тэатразнаўства, разумее гэты від мастацтва перфарматыўна — як грамадскую падзею, якая залежыць як ад яе стваральнікаў, так і ад публікі, якую яна раз за разам збірае.

Кніга ахоплівае не толькі сцэнічную дзейнасць у строгім сэнсе слова, але таксама і цырымоніі, маніфестацыі, юбілеі, відовішчы і рытуалы. У ёй пяць паралельных гісторый — пра тэатр святаў, тэатр пераўтварэння, тэатр улады, нацыянальны тэатр і «тэатр культурнага горада» — складаюцца ў цікавы аповед пра польскую культуру з асаблівым акцэнтам на яе відовішчныя аспекты.

Дарыуш Касінскі — прафесар кафедры перфарматыкі факультэта паланістыкі Ягелонскага ўніверсітэта ў Кракаве, даследчык польскіх тэатральных традыцый, у тым ліку акцёрскага і рэжысёрскага мастацтва.