Шасцярых братоў прызываюць у армію. Па дарозе на фронт ім трэба з'явіцца на памежны пост і прынесці дар на карысць міру. У братоў няма ні каштоўных падарункаў, ні грошай, каб перасекчы мяжу, але ім ёсць пра што расказаць: пра сірату, якая жыла на дне калодзежа, пра пекара, пра праклятае возера і выратаванне брата, пра пясчаную нявесту, пра юную святую, здольную прадухіліць вайну, і, нарэшце, пра карліцу, якая стала лялькай-марыянеткай.

Браты расказваюць і расказваюць гісторыі адзінокаму і ўсімі забытаму вартавому на пасту, расказваюць так, быццам ад гэтага залежыць чыёсьці жыццё. Што на самой справе праўда.

У гэтым антываенным рамане нідэрландскі пісьменнік і лаўрэат прэстыжных літаратурных прэмій Бенні Ліндэлауф паказвае найвышэйшае стылістычнае майстэрства. Яго проза нагадвае магічны рэалізм Габрыэля Гарсіі Маркеса і Патрыка Зюскінда. Людвіг Волбеда, які ілюстраваў і папярэдні раман Ліндэлауфа, дапоўніў кнігу меланхалічнымі і медытатыўнымі выявамі пустынных пейзажаў у бляклых фарбах.

5 прычын купіць кнігу «Вялікія гісторыі для маленькага салдата»:

- Кніга як твор мастацтва: найвышэйшае стылістычнае і мастацкае майстэрства пісьменніка Бенні Ліндэлауфа і ілюстратара Людвіга Волбеды;
- Лаўрэат прэстыжнай літаратурнай прэміі Нідэрландаў «Срэбны грыфель» 2021 года як найлепшая дзіцячая кніга;
- Мастацкі прыём «гісторыі ў гісторыі» пагружае ў сюжэт і трымае ўвагу чытача да канца;
- Кніга пра тое, што ўсе войны змяняюцца мірам, а ўсе гісторыі заканчваюцца;
- Пераклад з нідэрландскай мовы Кацярыны Асаян, Ірыны Лейчанка і Ірыны Міхайлавай.