«Гэтую кнігу я пісала цягам трох з паловай месяцаў. Працу над ёй я пачала ў лістападзе 2020 года, неўзабаве пасля таго, як з-за палітычных пераследаў пераехала ў Вільню. У кнізе гаворка ідзе пра тое, як і чаму пачалося абуджэнне беларускага грамадства, а таксама пра тое, чаму менавіта жанчыны сталі яго абліччам.

У першым раздзеле я разглядаю розныя формы актывізацыі і салідарызацыі жанчын у Беларусі - ад узнікнення хэштэга #эвалюцыя праз жаночыя маршы да сястрынства ў турмах. Другая прысвечана беларускаму грамадству як галоўнай рухаючай сіле беларускай revolution-in-progress, а таксама аналізу грамадскіх і палітычных умоў, якія яе выклікалі. Акрамя таго, я разважаю тут пра тое, чаго ўдалося і чаго не ўдалося дабіцца ў 2020 годзе.

У трэцім раздзеле я раблю спробу канцэптуалізаваць абуджэнне беларускага грамадства і абгрунтаваць, чаму выкарыстоўваю паняцце revolution-in-progress і характарызую яе як інклюзіўную і постнацыянальную».

Кніга выйшла ўпершыню на нямецкай мове ў выдавецтве Suhrkamp у чэрвені 2021 года і стала бэстсэлерам выдавецтва, увайшоўшы ў першую тройку дзесяці лепшых кніг ліпеня-жніўня 2021 года ў Германіі, на думку 30 крытыкаў нямецкага грамадскага тэлевізійнага канала ZDF, газеты Die Zeit. -асветніцкай радыёстанцыі Deutschlandfunk Kultur, паколькі яна паглыбляе разуменне грамадскіх пытанняў і дапамагае лепш разбірацца ў грамадскіх дэбатах. Таксама было адзначана, што кніга паказвае, што “барацьба беларускіх жанчын мае значэнне для жанчын ва ўсім свеце”.

У снежні 2021 года кніга выйшла ў Вільні на рускай мове і ў 2022 годзе стала лаўрэатам прэміі імя Алеся Адамовіча беларускага ПЭН-цэнтра.