Нарэшце гэта адбылося: «Business Plan» Мілеты Міятавіч — наша першая сапраўдная афсетная кніга! Сапраўдны масіўны том — паўнаколерны, з выкарыстаннем колераў Pantone, — які ўвасабляе пяць гадоў стварэння калажных ментальных карт, інтэлектуальных пошукаў і мазгавых штурмаў паэткі, што пачала пісаць вобразамі. Пяць гадоў пагружэння ў самую доўгую ноч на Поўначы, дзе ніколі не свеціць сонца. Пяць гадоў перабірання знойдзеных выяваў і іх трансфармацыі ў станы сну ды ценявыя «я», вывядзення фону на пярэдні план і факусавання на прамежкавых момантах — на ўсіх гэтых гуках: грукаце і выбухах, свісце і пстрычках, кроплях і струменьчыках. Працягвай працаваць — і вобразы самі адкрыюцца табе, прыйдуць па цябе, кінуцца да цябе. Працягвай працаваць — і план раскрыецца, стане тым, кім ты ёсць насамрэч.

«Business Plan» Мілеты Міятавіч — першая з трох кніг, выдадзеных у межах нашага сумеснага праекта ZOO Bindery пры фінансавай падтрымцы ЕС і Kulturrådet.