Цукровы, белы Крэмль - сэрца Расіі 2020-х, якая перажыла Чырвоную, Шэрую і Белую смуты, якая закрылася ад знешняга свету і пагружана ў сон. Гэтым сэрцам патроху валодаюць усе, бо і ў скотніцы, і ў вязьня, і ў ліліпута ёсьць хаця б асколак ягонай рафінаднай копіі, але насамрэч яно нікому не належыць. Пятнаццаць навел са зборніка "Цукровы Крэмль", напісаных як быццам зусім па-рознаму і аб розным, складаюцца ў карціну зманлівай, асуджанай рэальнасці, якая размакае, як цукровая вежка ў гарбаце.
Упершыню зборнік апавяданняў "Цукровы Крэмль" выйшаў у 2008 годзе. Разам з аповесцю "Дзень апрычніка" быў намінаваны на прэмію "Вялікая кніга"; у 2009 годзе атрымаў прыз сімпатый гледачоў прэміі "НОС".