Зборнік Роберта Вальзера Сачыненні (Aufsätze), які выйшаў у 1913 г. у выдавецтве Курта Вольфа ў Ляйпцыгу, быў шостай кнігай, якую Вальзер вынес на суд грамадскасці, але яму ўпершыню ўдалося знайсці выдаўца для разнастайнага збору малой прозы. Разнажанравыя тэксты 1908-1912 гадоў публікаваліся ў часопісах Schaubühne, Die Neue Rundschau, Rheinlande, Der Samstag і Simplicissimus.

Сугучча са школьнымі сачыненнямі нагадвае не толькі пра першую апублікаваную кнігу Вальзера «Школьныя сачыненні Фрытца Кохера», з доляй іранічна-юродзівага прытворства назва зборніка паказвае на аспект практыкаванні, эцюда, дэманстрацыі навыку ліста як такога.