Сёмая кніга Роберта Вальзера мае сярод публікацый пісьменніка самую заблытаную гісторыю. Адзін з тэкстаў упершыню ўбачыў свет яшчэ ў 1899 г. у выглядзе газетнай нататкі, а выдаць зборнік разрозненых тэкстаў з газет і часопісаў за 1903—1914 гады планавала цэлых тры выдавецтвы (Insel, Georg Müller, Ernst Rowohlt). У выніку Гісторый выдаў Курт Вольф, выдавец і папярэдняга зборніка Вальзера «Складанні». Гісторыі ўбачылі свет у вельмі непрыдатны час, літаральна напярэдадні Першай сусветнай, у ліпені 1914 г.