Гендар, дэкаланізацыя, прывілеі, фэтшэймінг. Трапіўшы з акадэмічных артыкулаў у паўсядзённы ўжытак, гэтыя словы ўсё мацней уплываюць на наша ўспрыманне свету. Але адкуль яны ўвогуле з'явіліся? Іх крыніца — россып крытычных тэорый, што ўзніклі ў ходзе постмадэрнісцкага павароту з яго праблематызацыяй улады, ведаў і ісціны. Нішто — ад сексу і падручнікаў гісторыі да медыцынскіх дыягназаў і архітэктуры — не можа ўкрыцца ад актывістаў, якія паставілі сабе за мэту выявіць і знішчыць любыя формы прыгнёту.

Хелен Плакроуз і Джэймс Ліндсі лічаць, што, нягледзячы на добрае жаданне зрабіць свет крыху справядлівейшым, крытычныя тэорыі з іх амаль рэлігійным рвеньнем і чорна-белым успрыманнем свету ўяўляюць пагрозу як для акадэміі, так і для грамадства. "Цынічныя тэорыі" — гэта карпатлівы і жвавы разбор асноўных пастулатаў "актывісцкай навукі", яе ўнутранай логікі і супярэчнасцей.

Гэтая кніга дапаможа пагрузіцца ў сучасны інтэлектуальны кантэкст, зразумець, чым кіруюцца бакі культурных войнаў, і не згубіцца ў спрэчках на ўскользлівыя для разумення тэмы.