Мастак поп-арту, жывапісец сучаснага жыцця і пейзажыст, майстар колеру і даследчык візуальных вобразаў ды ўспрымання — на працягу шасці дзесяцігоддзяў Дэвід Хокні вядомы як мастак, які нязменна знаходзіць новыя шляхі пазнання свету і сродкаў яго адлюстравання. Ён стварыў мноства незабыўных твораў: ад прац з графічнымі лініямі і ўключаным у кампазіцыю тэкстам, створаных у Лондане ў эпоху «свінгінгавых шасцідзесятых», і знакамітай серыі карцін з басейнамі, што ўвасабляюць каліфарнійскі лад жыцця 1970-х гадоў, да ўважліва выпісаных партрэтаў і маштабных, яркіх пейзажаў, напісаных пасля вяртання ў родны Ёркшыр. Акрамя малюнкаў, дзе мастак пераносіць убачанае непасрэдна на паперу, у яго творчасці прысутнічаюць шматперспектыўныя калажы з фотаздымкаў Polaroid, якія раскрываюць прастору праз мноства дэталізаваных ракурсаў, а таксама малюнкі на iPad, дзе святло перадаецца з дапамогай самых сучасных тэхналогій, — усё гэта сведчыць пра нязменную страсць Хокні да эксперыментаў.

Гэта спецыяльнае выданне было падрыхтавана на аснове двух тамоў манаграфіі «David Hockney: A Bigger Book» з нагоды 45-годдзя выдавецтва TASCHEN. Жыццё і творчасць Хокні прадстаўлены ў храналагічным парадку як дыялог паміж яго творамі і галасамі эпохі; тэкставы аповед дапаўняецца крытычнымі артыкуламі, разважаннямі самога мастака, а таксама партрэтнымі фотаздымкамі і здымкамі з выставак. Усё гэта адкрывае новыя перспектывы, паказваючы, як Хокні вядзе свае мастацкія пошукі, як развіваецца яго жывапіс і дзе ён чэрпае натхненне для сваёй шматграннай творчасці.