Без смеласці гісторыю не зробіш, а ўжо смеласці ўдзельніцам «Мухерас Лібрэс» было не займаць. У разгар Іспанскай рэвалюцыі яны змагаліся за жаночыя правы ў структурах анархісцкіх арганізацый свайго часу, за ўсеагульную свабоду і супраць фашызму. Акцэнт яны рабілі на адукацыі, ахове здароўя і ўмовах працы. У арганізацыю «Мухерас Лібрэс» уваходзілі больш за 20 000 жанчын.

У гэтай кнізе сабраны сведчанні аб галавакружных магчымасцях рэвалюцыі і падзеях, здольных стаць урокам і знайсці водгук ва ўсіх, хто ўдзельнічае ў сучасных сацыяльных рухах. Гэта заклік да аб'яднання, асабліва сярод жанчын, і заклік да роўнасці не пасля рэвалюцыі, а прама зараз. Слова «Мухерас Лібрэс» змагла захаваць для нас на старонках гэтай натхняльнай працы Марта Акельсберг.