Каха Бендукідзэ ўнёс уклад у біялагічную навуку, пабудаваў вялікі бізнес у Расіі, правёў беспрэцэдэнтныя па маштабе і глыбіні рэформы ў Грузіі і заснаваў лепшы грузінскі ўніверсітэт.

Гутаркі, запісаныя стваральнікам украінскага Forbes Уладзімірам Фядорыным, — гэта не толькі інтэлектуальная аўтабіяграфія Бендукідзэ, але і адна з самых арыгінальных і натхняльных кніг пра крушэнне камунізму ў Усходняй Еўропе і яго драматычныя наступствы. Бендукідзэ верыў у гістарычны прагрэс і ўсё жыццё змагаўся (ён сам выкарыстоўваў гэтае слова) з савецкай спадчынай, пад гнётам якой і цяпер застаецца большасць постсавецкіх краін.