Гэтая кніга - працяг разважанняў, пачатых Эдвардам Саідам у «Арыенталізме», яго класічнай працы. Калі ў цэнтры ўвагі "Арыенталізму" - сувязь паміж філалагічнымі даследаваннямі і фарміраваннем мастацкага вобраза Усходу, а таксама кантроль еўрапейскіх імперый над краінамі Азіі і Афрыкі, то "Культура і імперыялізм" пашырае геаграфію даследчыка, але разам з тым і канкрэтызуе яго фокус. Саід адсочвае, як вобразы ўлады, імперскай прасторы і жыхароў калоній пераплятаюцца на старонках твораў такіх аўтараў, як Джэйн Осцін, Джозэф Конрад, Рэдзьярд Кіплінг, Даніэль Дэфо, Чарльз Дыкенс, Франсуа Шатабрыян, а таксама ў оперы "Аіда" Джузепе.

Другая ключавая тэма гэтай кнігі - нацыяналізм і стратэгіі супраціву дамінаванню еўрапейцаў, шлях да якіх Саід праводзіць праз аналіз ірландскай літаратуры. Дадзеная праца, выяўляючы часам незаўважныя дэталі і сувязі, падганяе чытача па-новаму прааналізаваць ужо вядомыя яму творы.