Вопыт, набыты за гэты час, унікальны, а натуральныя для далёкіх даперабудоўных гадоў ідэі і стратэгіі - самаарганізацыя мастака, збіранне і захоўванне архіваў, малатыражныя выданні, кватэрныя выставы - і сёння аказаліся каштоўнымі. Назва кнігі - "Мастак павінен думаць!", і гэта асабліва актуальна сёння, калі кардынальна мяняюцца асновы сусветнай культуры і сучаснага мастацтва. Войны, агрэсія, цэнзура, забароны, новыя і старыя ідэалогіі актыўна пранікаюць з усіх бакоў у нашае паўсядзённае жыццё і ў творчасць. Мы мусім зноў і зноў змагацца за свабоду думкі, гэта наш адзіны шанец выжыць.