Назва кнігі гаворыць сама за сябе. Перад вамі энцыклапедыя развіцця незалежнай рок-журналістыкі на тэрыторыі Савецкага Саюза, СНД і Расіі. Яна пралівае святло на тыя часы, калі рок-музыка была доляй разрозненых гуртоў энтузіястаў, якія былі раскіданыя па СНД. Натыя гады, калі цікавасць да рок-музыкі магла паставіць чалавека па-за законам і настроіць супраць яго кансерватыўнае савецкае і постсавецкае грамадства.

У кнізе два раздзелы. Першы раздзел – “Энцыклапедыя”, у ім расказваецца пра ўсе самвыдатаўскія творы з 1967 па 1994 год. Другі раздзел – «Анталогія», дзе прыведзены без купюр самыя прыкметныя артыкулы самвыдатаўскіх твораў.