Манаграфія прысвечана комплекснаму даследаванню беларусаў у Аргенціне: вывучэнню іх ідэнтыфікацыі, раскрыццю праблем адаптацыі, характарыстыцы грамадска-палітычнай дзейнасці. Праследжваецца эвалюцыя самасвядомасці імігрантаў, уплыў на яе культуры, рэлігійнай прыналежнасці, уяўленняў пра радзіму і прасавецкай арыентацыі.

Асноўная ўвага надаецца грамадска-палітычнай дзейнасці беларусаў. У прыватнасці, даследуецца яркі перыяд 1940-х гадоў, калі прасавецкія імігранты займалі актыўную палітычную пазіцыю, удзельнічалі ў кампаніі дапамогі СССР і ў славянскім руху ў Аргенціне. Таксама аналізуецца культурная і грамадская дзейнасць беларусаў у другой палове ХХ – пачатку ХХІ стагоддзяў.