«Anmerkungen zu Hitler» («Заўвагі да Гітлера») нямецкага гісторыка Себасцьяна Хафнера (1907–1999) — гэта аналітычны каментар да яго мастацкага бестселера «Гісторыя аднаго немца» (1939), напісаны праз сорак гадоў, у 1978 годзе. І сёння — яшчэ праз сорак гадоў — гэтае яснае і глыбокае даследаванне феномену палітычнага монстра валодае ўсімі якасцямі безумоўнага «мастрыда».

Нядзіўна, што гісторык і палітолаг Гола Ман (сын Томаса Мана) заклікаў вывучаць «Anmerkungen zu Hitler» у старэйшых класах школы. Разуменне таго, як і чаму «некаторы», плоць ад плоці натоўпу, можа стаць папулярным палітыкам і павесці натоўп на злачынства, набывае асаблівую каштоўнасць у наш час. Сучасныя тэхналогіі даюць неабмежаваныя магчымасці для ператварэння асабістага псіхозу ў масавы.