Французскі пісьменнік і вучоны Андрэ Маіссё прысвяціў свой раман знакамітаму пілоту, пісьменніку і журналісту Антуану дэ Сэнт-Экзюперы (20.06.1900 – 31.07.1944), аўтару твораў «Маленькі прынц», «Ваенны лётчык», «Начны палёт», «Паўднёвы паштовы», «Планета людзей», «Цытадэль» і іншых.

Чытач адкрывае для сябе Сэнт-Экзюперы праз яго эмацыянальнае, амаль жывапіснае ўспрыманне падзей, вольным або міжвольным сведкам і ўдзельнікам якіх яму давялося стаць. Раман, прасторныя маналогі і разважанні аўтара, а таксама эмацыянальныя дыялогі яго герояў разлічаны на актыўнага, думаючага чытача.

«Вечныя», «праклятыя» пытанні, якія гісторыя і сучаснасць задаюць кожнаму з пакаленняў, вызначаюць яго актуальнасць на многія гады наперад.