Шарль Фердынан Рамю (1878 - 1947) - найбуйнейшы пісьменнік французскай Швейцарыі. Прыхільнік паэтычнага рэалізму, паэт Жэнеўскага возера і заснежаных Альпаў, ён ператварыўся ў таямнічага апавядальніка, які імкнецца скласці ідэальную Кнігу. Яго раманы працягваюць адзін аднаго, складаючыся ў бясконцы шматузроўневы эпас.
Раман "Валадаранне злога духу" адкрывае вялікі цыкл містычных твораў, заснаваных на біблейскіх сюжэтах, народных казках, легендах і міфах швейцарскіх вёсак і высакагорных паселішчаў.