Доўгі час ЗША былі крыніцай практычна ўсіх тэхналогій, якія вызначаюць сучаснае жыццё: персанальных кампутараў, аперацыйных сістэм, смартфонаў, электроннай камерцыі, вэб-браўзэраў, электроннай пошты, пошукавых сістэм, сацыяльных сетак, электрамабіляў і іншага. І большасць тэхналагічных кампаній, якія стварылі і манетызавалі гэтыя тэхналогіі, таксама знаходзяцца ў ЗША. У гэтай кнізе Мехран Гул, лаўрэат прэміі Financial Times / McKinsey Bracken Bower Prize, задаецца пытаннем: ці змяняецца сітуацыя?
Менш за дзесяць гадоў таму да кітайскіх тэхналагічных кампаній ставіліся грэбліва і самаздаволена. Цяпер б'юць трывогу. Але пакуль эксперты разважаюць аб тым, як разгорнецца тэхналагічная бітва ЗША і Кітая, не менш цікавае іншае пытанне: ці ёсць яшчэ такія "Кітаі"? Краіны, да якіх зараз ніхто не ставіцца сур'ёзна, але якія могуць аказацца сур'ёзнымі канкурэнтамі раней, чым мы думаем?
Геаграфія інавацый мяняецца. У свеце стала нашмат больш дарагіх тэхналагічных кампаній, якія растуць нашмат хутчэй і ў нашмат большай колькасці месцаў, чым калі-небудзь. Гэтая кніга - аб такіх месцах.