Ці сапраўды гвалт - гэта натуральная форма чалавечых паводзін? Кніга вядучага амерыканскага сацыёлага Рэндала Колінза аспрэчвае гэты распаўсюджаны пункт гледжання і сцвярджае, што, насуперак ваеннай прапагандзе або галівудскім баевікам, гвалт не даецца людзям лёгка. Яго даследаванне апускае чытачоў у складаныя і змрочныя светы чалавечай агрэсіі - ад хатняга гвалту і школьных здзекаў да рабаванняў, жорсткіх відаў спорту і ўзброеных канфліктаў. Р. Колінз даследуе падабенствы і адрозненні паміж такімі рознымі сітуацыямі гвалту, каб прадэманстраваць, як канкрэтныя акалічнасці фармуюць эмоцыі і дзеянні людзей, якія ўступаюць у канфрантацыю. Абапіраючыся на відэазапісы, крыміналістыку і этнаграфію, аўтар аналізуе механізмы і структуры сацыяльных узаемадзеянняў, якія стаяць за праявамі гвалту, і супрацьпастаўляе свой падыход безвыніковым пошукам псіхалагічных тыпажоў, нібы схільных да такіх паводзін.
Рэндал Колінз - сацыёлаг і філосаф, ганаровы прафесар Пенсільванскага ўніверсітэта.