У гэты зборнік увайшлі новыя апавяданні і невялікая аповесць 2022-2023 гадоў Дзмітрыя Громава і Алега Ладыжэнскага, якія пішуць у суаўтарстве пад агульным псеўданімам Генры Лайон Олдзі.

Гэта творы часоў поўнамаштабнай вайны, развязанай Расіяй супраць Украіны. У гэтых апавяданнях рэальнасць ваенных будняў пераплятаецца з містыкай і фантастыкай, трагедыі людзей — з надзеяй, а жорсткія і экстрэмальныя выпрабаванні — з чалавечнасцю і спагадай.

Героі апавяданняў Олдзі — у большасці сваёй такія ж звычайныя людзі, як мы з вамі. Старыя і маладыя, грамадзянскія і ваенныя, жывыя і мёртвыя — украінцы, якім выпала лёс жыць у нашыя суровыя часы. Але кожны з іх мае свой унутраны стрыжань, і кожны так ці інакш знаходзіць у сабе сілы супрацьстаяць агрэсіі, злу і роспачы, якія абрынуліся на Украіну.

Дзмітрый Громаў і Алег Ладыжэнскі (Генры Лайон Олдзі) прызнаваліся лепшымі фантастамі Еўропы. Яны з'яўляюцца лаўрэатамі Нацыянальнай прэміі Украіны па фантастыцы, уладальнікамі ганаровага знака «Залаты пісьменнік Украіны», а таксама многіх замежных літаратурных узнагарод.