Ілюстраваны пуцеваднік

Ужо на працягу доўгіх гадоў грэчаскі востраў Корфу неразрыўна звязаны з імем пісьменніка і натураліста Джэральда Дарэла. Ён праславіў гэты востраў у сваіх кнігах, па іх матывах было знята некалькі папулярных экранізацый. Пісьменнік Лорэнс Дарэл, старэйшы брат Джэральда, таксама не раз пісаў пра Корфу.

Чытачам гэтых кніг і турыстам, якія прыязджаюць на востраў, заўсёды было цікава даведацца, дзе менавіта разгортваліся падзеі дарэлаўскіх апавяданняў, і ўбачыць уласнымі вачыма згаданыя там вілы, пасёлкі, азёры і горы. Гэты пуцеваднік дапаможа задаволіць такую цікаўнасць: у ім апісана некалькі дзясяткаў месцаў, дзе бывалі Дарэлы, дадзены дакладныя адрасы і каардынаты.

Асобныя раздзелы прысвечаны персанажам дарэлаўскай трылогіі пра Корфу і разнастайнай фауне вострава. Разам з кнігай прадаецца карта вострава, дзе адзначаны ўсе дарэлаўскія славутасці.