Майкл Фрэйм (нар. 1951), матэматык, былы прафесар Ельскага ўніверсітэта і калега стваральніка фрактальнай тэорыі Бенуа Мандэльброта, у сваёй кнізе даследуе феномен смутку з пункту гледжання геаметрыі. Мы смуткуем, страціўшы блізкага чалавека, хатняга гадаванца, папярэдні лад жыцця — нешта любімае і важнае для нас. Як могуць фракталы, траекторыі і зменныя змяншаць гэтую душэўную боль?

Паводле сцвярджэння Фрэйма, разуменне «геаметрыі» сваіх перажыванняў можа дапамагчы перажыць страту. Аналізуючы смутак як незваротную страту, ён звяртаецца да законаў матэматыкі, літаратурных сюжэтаў, эвалюцыйнай біялогіі і асабістага досведу. З іх дапамогай Фрэйм выводзіць уласныя тэарэмы, якія дазваляюць убачыць і прааналізаваць праз «самападобнасць» жыццёвага выбару, тэорыю мультысусвету і праецыраванне негатыўных эмоцый на розныя «прасторы» свядомасці складаную заканамернасць пачуццяў, якія складаюць смутак.