У кнізе Жоржа Вігарэла, прафесара Універсітэта Парыж V і аўтара многіх прац аб рэпрэзентацыі і культурнай гісторыі цела, прасочваецца змяненне канцэпцыі цялеснай прыгажосці ў Еўропе — ад Рэнесансу да нашых дзён. Якое цела лічылася прыгожым, а якое брыдкім? Якія сродкі па догляду за целам цаніліся ў розныя эпохі? Як паўплывалі на ўяўленне аб прыгажосці поп-культура і прапаганда здаровага ладу жыцця? Наколькі трывалым з'яўляецца ідэал, у пагоні за якім часам ламаюцца лёсы?

На матэрыяле выяўленчага мастацтва, літаратуры, медыцынскіх і эстэтычных трактатаў, прэсы, кінематографа і рэкламы Жорж Вігарэла будуе займальны экскурс, які дазваляе адказаць на гэтыя пытанні.