Як мы апынуліся ў 24 лютага 2022 года? Як гэта ўвогуле стала магчымым? Расійскі гістарычны наратыў пабудаваны на міфах: аб адзінстве ўкраінскага і рускага народаў, аб нейкіх спрадвечных рускіх тэрыторыях, аб здрадніку Мазепе, страшных бандэраўцах і аб велічы цудоўнай непераможнай імперыі. Гэтыя міфы фармаваліся і падтрымліваліся рускімі гісторыкамі, паэтамі, пісьменнікамі і кіраўнікамі. У гэтыя міфы паверыў і стаў апантаны імі Уладзімір Пуцін. Гэтыя міфы даўно пара развянчаць.

У сваёй кнізе Міхаіл Зыгар распавядае, як развіваліся адносіны Украіны і Расіі на працягу 350 гадоў. Але паказвае гэта не праз гісторыю дзяржаў, партый ці арганізацый, а праз гісторыі людзей: гетманаў Багдана Хмяльніцкага і Кірыла Разумоўскага, паэтаў Тараса Шаўчэнкі і Васіля Стуса, палітычных дзеячаў Міхаіла Грушэўскага і Сцяпана Бандэры.

Галоўны герой кнігі — Уладзімір Зяленскі, былы комік, а цяпер самы папулярны палітык у свеце, сімвал украінскага супраціву расійскай агрэсіі. Лёсы герояў гэтай кнігі — гэта гісторыі кахання, страсці, мужнасці, супраціву дэспатызму, барацьбы за сваю нацыянальную ідэнтычнасць і свабоду.

Для гэтай кнігі Міхаіл Зыгар вывучыў сотні гістарычных крыніц, а таксама ўзяў інтэрв'ю ў ключавых украінскіх і расійскіх бізнесменаў і палітыкаў.