Дзённік чатырох ваенных гадоў, праведзеных аўтарам у Францыі, стаў адной з галоўных польскіх кніг XX стагоддзя. У ім Бобкоўскі фіксаваў развіццё ваенных падзей і ў катастрафічным ключы дыягнаставаў еўрапейскі крызіс, выявіўшы значную праніклівасць.

Анджэй Бобкоўскі (1913–1961) — пісьменнік, публіцыст. У сакавіку 1939 года разам з жонкай паехаў у Парыж. Працоў на зброевым заводзе пад Парыжам і разам з ім быў эвакуяваны на поўдзень Францыі. У 1940 годзе вярнуўся ў Парыж і працягнуў працу на заводзе. Падчас нямецкай акупацыі прымаў удзел у руху Супраціву.

Пасля вайны быў адным з найважнейшых супрацоўнікаў часопіса «Культура», галоўнага друкаванага органа польскай эміграцыі, які спрыяў пераменам у Польшчы. Менавіта пад эгідай «Культуры» і быў апублікаваны яго ваенны дзённік.

У 1948 годзе Бобкоўскі паехаў у Гватэмалу і адкрыў там краму авіямадэляў. Яго пяру належаць некалькі кніг, у тым ліку багаты эпісталярый.

Выданне ажыццёўлена пры фінансавай падтрымцы Інстытута Кнігі — © POLAND Translation Program. Выдавецтва дзякуе Літаратурнаму інстытуту «КУЛЬТУРА» (Institut Littéraire «KULTURA») у Мезон-Лафіце.