Андрэй Більжо па сваёй спецыяльнасці - урач-псіхіятр, кандыдат навук. Ён стаў бы прафесарам, але гісторыя краіны, у якой ён нарадзіўся, унесла карэктывы. Пераварот 1991 года ператварыў Більжо з мастака-аматара ў прафесіянала, які намаляваў каля трыццаці тысяч карыкатур. Більжо быў тэлевядучым на шасці каналах тэлебачання і радыёвядучым на чатырох радыёстанцыях. Ён прыдумаў восем рэстаранаў, напісаў паўтара дзясятка кніг і праілюстраваў не злічыць колькі. І ўсё б добра, але гісторыя краіны, у якой ён нарадзіўся, зноў унесла карэктывы. Вайна пераблытала ўсе карты, і мастак зноў стаў псіхіятрам, дапамагаючы яе ахвярам. Маляваць і пісаць ён пачаў пасля невялікага перапынку, калі прыйшоў у сябе, і ў яго атрымалася гэтая кніжка. Вось, уласна, і ўсё на сёньня.