У дзённіку, запісы ў якім з'яўляліся з мая 1936-га да арышту аўтара ў кастрычніку 1944 года, Фрыдрых Рэк-Малечэўэн з беспрэцэдэнтнай вастрынёй апісвае варварства нацыянал-сацыялізму, прадбачачы непазбежны крах рэжыму. Тэкст Рэка-Малечэўэна, упершыню апублікаваны ў 1947 годзе, стаў найбольш вядомым яго творам і адным з самых важных дакументаў гітлераўскага перыяду. Дзённік перакладзены на французскую, галандскую, англійскую, італьянскую і іспанскую мовы.

Фрыдрых Рэк-Малечэўэн (1884–1945) — нямецкі пісьменнік і журналіст. У 1944 годзе ён быў змешчаны ў канцлагер Дахау, дзе і загінуў у лютым 1945 года.