«Ураўненне Гопака» ўкраінскага пісьменніка Лёшы Палкіча носіць падзагаловак «пра вайну без вайны». У гэтым рамане-прытчы паўднёўец, чалавек сямейны, незласлівы, змушаны ісці ваяваць з паўночнікамі, каб зарабіць на выратаванне сына. Але што гэта за вайна? «Жыхары Поўначы і Поўдня ў старажытныя часы адным народам былі...» Задуманая ўрадам разня не патрэбна нікому - на яе ідуць не дзеля ідэі і не абараняючы родных, а пад прымусам або за грашыма. Метафарычнасць і напружанасць рамана нагадваюць тэксты Стругацкіх і гавораць пра балючы і безвыходны выбар: самае дарагое, што ў цябе ёсць, ці сумленне.