Жанр гарадскога манументальнага роспісу існуе на працягу стагоддзяў, нават тысячагоддзяў, але сучасныя графіцісты і майстры вулічнага мастацтва (стрыт-арта) зусім нядаўна пачалі працаваць у фармаце XXL. Па меры таго як роспісы павялічваліся ў памерах, стрыт-арт і графіці збліжаліся, і сам па сабе маштаб асобных работ пачаў прыцягваць увагу і калег-мастакоў, і шырокай публікі. Муралы - фасадны жывапіс велізарных памераў - ператварыліся ў самастойны феномен у мастацтве.

Кніга нямецкай мастачкі з сусветным імем Клаўдзіі Вальдэ прысвечана творчасці невялікай групы майстроў, якія ўжо стварылі сабе імя ў галіне манументальнага фасаднага жывапісу і праклалі шлях сваім шматлікім паслядоўнікам, або тым з іх, хто вылучаецца дзякуючы сваёй арыгінальнай тэхніцы і стылю. Тым, хто хацеў бы ўбачыць асобныя працы ў арыгінале, дапаможа карта ў канцы кнігі, дзе пазначана месцазнаходжанне лепшых узораў муралаў XXL па ўсім свеце.
Для шырокага круга аматараў сучаснага мастацтва і ўсіх, хто цікавіцца праблемамі ўрбаністыкі.