Букест — шматмоўная кніжная крама ў Вільні з дастаўкай па ўсім свеце.

Мы верым, што свет выратуюць птушкі, каханне і добрыя кнігі.

Мы стварылі Букест, каб плясці культуру і рамантаваць сэрцы. Не мае значэння, хто вы, дзе нарадзіліся, дзе жывяце і на якой мове размаўляеце — у нас знойдзецца менавіта ваша кніга.

Кнігі пра мастацтва, архітэктуру, будучыню, жыццё і смерць. Паэзія, проза, навуковыя даследаванні, мемуары, маляўнічыя альбомы, настольныя гульні і кнігі для дзяцей. Навінкі, несмяротная класіка і рэдкія букіністычныя скарбы. У нас ёсць кнігі на беларускай, украінскай, рускай, літоўскай, англійскай, французскай, нямецкай і іншых мовах. Мы эксклюзіўна прадстаўляем некаторыя кнігі вельмі маленькіх выдавецтваў і кнігі, выдадзеныя аўтарамі.

Мы таксама шукаем рэдкія кнігі па ўсім свеце для сябе і для вас: калі вы марыце пра нейкую асаблівую кнігу і не можаце яе знайсці, напішыце нам.

Людзі, якія пераехалі ў іншую краіну, імкнуцца зразумець новую культуру і захаваць сваю. Мы ведаем па сабе, як кнігі дапамагаюць у такой сітуацыі, і будзем рады парэкамендаваць кнігатэрапію для вас і вашых дзяцей.

Букест — гэта не толькі інтэрнэт-крама, але і гасцінная прастора ў цэнтры Вільні, дзе можна адпачыць, выпіць каву, сустрэцца з пісьменнікамі, паглядзець кіно, а таксама набыць сувеніры ручной працы ці нават кнігу за 0 еўра. Па гэтай цане мы прадаем кнігі, якія прыносяць нашы госці, каб падзяліцца радасцю чытання з іншымі. У нашай краме нават ёсць мастацкая галерэя!

І вядома, мы заўсёды рады вашым радам аб кнігах, якія вы хацелі б бачыць у нашай краме.

Прыемнага чытання!