Дзённікавыя запісы 1939–1940 гадоў, сабраныя іх аўтарам — нямецкім пісьменнікам і філосафам Эрнстам Юнгерам (1895–1998) — у кнігу «Сады і дарогі», адкрываюць сэкстэт яго дзённікаў часоў Другой сусветнай вайны, вядомы пад агульнай назвай «Выпраменьванні» («Strahlungen»).

Французскі пераклад «Садаў і дарог», які выйшаў у 1942 годзе, у адзін год з нямецкім выданнем, у многім вызначыў еўрапейскую славу Юнгера як аднаго з выбітных стылістаў XX стагоддзя.