1933 год. Ханна Арендт уцякае з Берліна, каб далучыцца да такіх жа выгнаннікаў без сродкаў і дакументаў, якія шукаюць прытулак у Парыжы. Сімона дэ Бавуар шукае адказы на выклікі жорсткага свету ў Руане. Айн Рэнд працуе ў галівудскім выгнанні над раманам, які, як яна верыць, зноў запаліць полымя свабоды на яе прыёмнай радзіме. Сімона Вейль, расчараваная вынікамі рэвалюцыі ў Расіі, прысвячае ўсе свае думкі і сілы цяжкаму лёсу прыгнечаных.

На працягу наступнага дзесяцігоддзя, аднаго з самых змрочных у гісторыі Еўропы, гэтыя чатыры жанчыны, адданыя думцы, будуць распрацоўваць ідэі, якія ў другой палове стагоддзя абляцяць зямны шар і зменяць свет. Вольфрам Айленбергер праходзіць па слядах сваіх гераінь ад Ленінграда да Нью-Ёрка і ад Іспаніі ў разгар грамадзянскай вайны да акупаванай нацыстамі Францыі, каб прасачыць звілістыя траекторыі іх лёсаў.

Яны сутыкаюцца з несправядлівасцю, несвабодай і незразумелым гвалтам свайго часу як жанчыны, бежанкі, актывісткі, удзельніцы Супраціву, але перш за ўсё як мысліцельніцы. Сочачы за выплаўкай іх радыкальных ідэй у бязлітасным тыглі часу, мы разам з імі пераконваемся ў выкупляльнай сіле думкі.