Існуючая ўжо пяць стагоддзяў індустрыя кнігавыдання сутыкнулася ў XXI стагоддзі з найбуйнейшымі ў сваёй гісторыі эканамічнымі і тэхналагічнымі выклікамі. З надыходам лічбавай эпохі ёй пастаянна прадказваюць хуткую смерць. Аднак наколькі такія прагнозы справядлівыя і як сёння ўладкаваны кніжны бізнес?

Кніга Джона Томпсана распавядае пра тое, якія змены кнігавыданне перажыло за апошнія 40–50 гадоў і як пераасэнсоўваліся ў ім ролі галоўных актараў — выдаўцоў, агентаў і прадаўцоў. У пошуках адказаў Томпсан абапіраецца на вялікі корпус інтэрв'ю, узятых у розных супрацоўнікаў выдавецтваў, хедхантараў, аўтараў і кнігагандляроў, уключаючы ключавых закупшчыкаў з буйных рознічных сетак.

Даследуючы з пазіцыі антраполага ўнутраную структуру выдавецкага свету, аўтар спрабуе зразумець: чаму і як, нягледзячы на глабальную трансфармацыю медыйнага поля, традыцыйнаму кнігавыданню ўдаецца заставацца цэнтральнай сферай чалавечай культуры?

Джон Б. Томпсан — брытанскі сацыёлаг, прафесар Кембрыджскага ўніверсітэта і ганаровы прафесар каледжа Ісуса.