Эліс Браунер і Хайке Гронемаер насычана і атмасферна расказваюць аб сустрэчы, жыцці і разрыве адной з самых вядомых пар у мастацтве ХХ стагоддзя – Васіля Кандзінскага і Габрыэле Мюнтэр. Гэты саюз, прадуктыўны для творчасці, у асобасным плане быў разбуральным. Габрыэле прыйшлося прайсці шлях ад закаханай вучаніцы праз незалежныя адносіны да вызвалення ад ценю свайго настаўніка і каханага.

Сааўтары паказваюць, якую ролю таленавітая і працавітая Габрыэле Мюнтэр адыграла ў адкрыццях, ажыццёўленых Кандзінскім у жывапісе і тэорыі мастацтва, а таксама ў стварэнні мастацкага аб'яднання "Сіні вершнік". Уплыў Мюнтэр і іншых сябровак мужчын-мастакоў ігнараваўся і калегамі па аб'яднанні, і даследнікамі. Кніга ўносіць гэтае істотнае выпраўленне ў гісторыю адной з самых яркіх з'яў у мастацтве ХХ стагоддзя.